Blogtrottr
明星八掛大分享☆ :: 痞客邦 PIXNET ::
壹週刊 忽然1週 Face周刊 東周刊 3週刊 Me週刊 本地娛樂 外地娛樂 政治時事 娛樂八掛 娛樂八掛週刊雜誌 財經 健康 食譜 寵物 潮流 男女 旅行 旅遊 TVB o靚模 放大圖片 明星 女明星
圍燒 張震遠 射人先射馬 東周刊
May 22nd 2013, 15:08

圍燒張震遠 射人先射馬

CY頭號謀臣張震遠做主席嘅商品交易所因資金耗盡，要放棄個自動交易牌，如果搵唔到一億美金資金，可能要「自然死亡」！本來生意失敗係平常事，時也命也啫，但因佢同CY關係密切，政圈中「對頭人」趁機點火，射人先射馬，先燒張震遠，睇嚟最後會攻向CY。

商交所單嘢出街後，疑似唐營人馬嘅立法會證券業議員張華峰，以及泛民大佬何俊仁，都即刻高調發炮，質疑證監會寬待張震遠，認為應即時停商交所牌，並委任會計師徹查盤數，證監會冇咁做有特殊對待之嫌。

張震遠是CY頭號謀臣，「對頭人」趁商交所出事，瞬即點起火頭，先燒張震遠，目標係燒埋CY。

張華峰舊年以些微票數擊敗「梁營」人馬李君豪，代表證券界入局，之後加入「唐粉」為主嘅經民聯，近期佢對CY頻頻開火，話佢冇改善經紀經營環境，又砌限奶令唔妥，所以今次率先出手，政圈人士唔覺得奇怪。

至於仁哥出聲，原因更簡單，泛民一直搵機會挫CY威信，呢次CY頭馬失蹄，泛民自然食住上，提出將事件交去立法會委員會討論，如果挑出更多問題，就繼續追殺落去。

政圈老友指，CY嘅「對頭人」一定趁佢病攞佢命，點起火頭，如果燒得起，就將火勢擴大，追查張震遠有冇特殊關係，然後燒CY；就算燒唔起，亦可挫低張震遠聲譽，令佢以後再難在權力核心更上層樓，等於綁住CY隻右手，對CY一樣有殺傷力。所以商交所單嘢一定有下文！
You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions
arrow
arrow
    全站熱搜

    ksokf 發表在 痞客邦 留言(0) 人氣()

    E-mail轉寄